Makiej: Kanfrantacyja pamiž Rasijaj i ES dla nas prablema
Fota pradastaŭlena Pradstaŭnictvam Jeŭrapiejskaha sajuza ŭ Respublicy Biełaruś
Ministr zamiežnych spraŭ Biełarusi Uładzimir Makiej padčas samita Uschodniaha partniorstva ŭ Bruseli, kamientujučy dasiahnieńni partniorstva, vykazaŭsia, što jamu nie padabajecca, što našu krainu niekatoryja ŭsprymajuć jak bufiernuju zonu.
«Niekatoryja ličać Biełaruś bufiernaj zonaj. Mnie nie padabajecca heta farmuloŭka. Ja b chacieŭ kazać pra zonu roskvitu, tamu my vyrašyli brać udzieł u hetaj inicyjatyvie [Uschodnim partniorstvie] ad samaha pačatku».
Jon zaŭvažyŭ, što za čas partniorstva jość dasiahnieńni ŭ mnohich śfierach. Naprykład, ekanamičnaj. Za apošni hod dola ES u našym eksparcie vyrasła z 26% da bolš čym 30%. ES staŭ dla Biełarusi druhim pa vieličyni handlovym partnioram.
Uładzimir Makiej ahučyŭ i niavyrašanyja prablemy. Adna ź ich — kanfrantacyja pamiž Jeŭrapiejskim sajuzam i Rasijaj.
«Dla nas heta prablema. My znachodzimsia pamiž dvumia łahierami i pakutujem ad hetaha. Tamu my vystupajem za intehracyju intehracyj».
Ministr vykazaŭsia taksama nakont roznahałośsiaŭ ź Litvoj pa AES u Astraŭcy, jakija adciahvajuć padpisańnie Pryjarytetaŭ partniorstva pamiž Biełaruśsiu i ES.
«Ja, ščyra kažučy, nie razumieju, čamu z-za pazicyi adnoj krainy my nie možam pieraadoleć pieraškody, jakija nie dajuć padpisać dakumient».