Hety biareźnik za Nacyjanalnaj biblijatekaj vysiekuć, kab pabudavać rezidencyju pasła Azierbajdžana FOTY
Žychary «Majaka Minska» — staličnaha rajona, jaki znachodzicca za Nacyjanalnaj biblijatekaj — aburanyja tym, što vakoł ich žylla imkliva źnikaje les. Zabudoŭščyki vysiakajuć jaho z roznych pryčyn, ale vynik adzin — drevaŭ stanovicca mienš.
Pieršym pad udar trapiŭ hajok za Domam miłasernaści (na karcie jon sprava). Sierbski zabudoŭščyk atrymaŭ dazvoł uźvieści tut šmatuzroŭnievy parkinh na 620 aŭtamabilaŭ.
Nastupnym vysiekuć biareźnik, jaki znachodzicca nasuprać, pa inšy bok vulicy Francyska Skaryny. Tut maje źjavicca rezidencyja pasła Azierbajdžana. Jašče ŭ 2015 hodzie pasolstva atrymała ŭ arendu hety ŭčastak na 99 hadoŭ.
«Naša Niva» daviedałasia ŭmovy hetaj dziŭnaj uhody. Azierbajdžan płacić za budynak pasolstva na Staravilenskim trakcie, a taksama za miesca dla rezidencyi pasła na vulicy Francyska Skaryny… adzin dalar na hod.
Za biareźnikam znachodzicca vulica Jaŭhiena Hlebava sa svaim katedžnym pasiołkam. Mienavita siudy zmoh ucisnuć svoj dom były vice-premjer Vasil Žarko.
Čytajcie. Vice-premjer Vasil Žarko dabudavaŭ katedž na 500 m2 u zakrytym elitnym pasiołku
Vulica Francyska Skaryny.
