U Łondanie padčas boju pamior restler Siarebrany Karol
Mieksikanski restler Siesar Hansales, bolš viadomy pad psieŭdanimam Siarebrany Karol, pamior padčas boju, jaki adbyŭsia 11 maja ŭ Łondanie. Pra heta paviedamlaje Bi-bi-si.
Boj u ramkach šou Lucha Libre prachodziŭ na arenie Raŭndchaŭs u Kemden-Taŭnie. 51-hadovy spartoviec u chodzie pajadynku ŭpaŭ na rynh i nie zmoh samastojna padniacca. Da jaho adrazu ž padbiehli sudździa i niekalki arhanizataraŭ šou, adnak pryvieści restlera ŭ prytomnaść im nie ŭdałosia. Pavodle papiaredniaj viersii, pryčynaj jaho śmierci staŭ sardečny prystup.
Siesar Hansales naradziŭsia ŭ Mieksicy ŭ siamji prafiesijnych bajcoŭ. Jaho baćka i brat taksama byli restlerami, prasłavilisia jak Dr. Wagner i Dr. Wagner Jr. adpaviedna.
U 2006 hodzie Siesar Hansales źniaŭsia ŭ halivudskaj kamiedyi «Supiernača» razam z komikam Džekam Błekam.
