«Nieśmiarotny połk» u Minsku sabraŭ udvaja mienš ludziej, čym letaś FOTAREPARTAŽ
Prarasijskija aktyvisty adznačyli Dzień Pieramohi asobnaj kałonaj. Kala 700 čałaviek sabralisia na płoščy Pieramohi z partretami svaich svajakoŭ-vieteranaŭ, ale taksama z vyjavami Stalina.
Prarasijskija aktyvisty adznačyli Dzień Pieramohi 2019 hoda asobnaj kałonaj. Mnohija ź ich trymali partrety savieckaha dyktatara Iosifa Stalina.
Kala 700 čałaviek sabralisia la doma Pieršaha źjezda RSDRP na płoščy Pieramohi.
Čytajcie taksama: U Kramli zaŭvažyli admovy ŭ praviadzieńni «Nieśmiarotnaha pałka» ŭ Biełarusi i Kazachstanie
U niekatorych z udzielnikaŭ «Nieśmiarotnaha pałka» na hrudziach — hieorhijeŭskija stužki. Inšyja prynieśli ściažki biełaruskich dziaržaŭnych koleraŭ.
Letaś «Nieśmiarotny połk» prajšoŭ ad fiłarmonii na płoščy Jakuba Kołasa da płoščy Pieramohi.
Tady na jaho sabrałasia 1500 čałaviek. Byli ludzi z partretami Stalina, u majkach «DNR» i «Vietlivyja ludzi». Faktyčna, heta była najbujniejšaja vuličnaja akcyja «ruskaha śvietu» za apošniaje dziesiacihodździe.
Sioleta «Połk» sabraŭ prykładna ŭdvaja mienš udzielnikaŭ, čym letaś.
Čytajcie taksama: Šeście «Nieśmiarotnaha pałka» nie dazvolili, ale sabracca la domika RSDRP možna
«Nieśmiarotny połk» — heta akcyja, jakaja naradziłasia ŭ hłybincy Rasii, kali ludzi stali vychodzić na 9 maja z partretami svajakoŭ, što zahinuli ŭ časy Druhoj suśvietnaj vajny. Praŭda, potym dobruju pa pasyle akcyju pierachapiła rasijskaja prapahanda. U vyniku «Nieśmiarotny połk» pieraŭtvaryŭsia ŭ demanstracyju siły «ruskaha śvietu».
Čytajcie taksama: Moładź u Breście robić hrošy na pačućciach rasijskich turystaŭ FOTY
