Marzaluk pra pierarazańnie čyrvonaj stužački: A što, treba było zusim bieź śviata zrabić?
U internecie nabirajuć papularnaść fatahrafii ŭračystaha adkryćcia z razrazańniem čyrvonaj stužački mietaličnaj aharodžy ŭ Mahilovie.
Čytajcie taksama: U Mahilovie pry ŭdziele Ihara Marzaluka ŭračysta adkryli… novyja poručni FOTY
U cyrymonii ŭziaŭ udzieł deputat Pałaty pradstaŭnikoŭ Nacyjanalnaha schodu Biełarusi Ihar Marzaluk.
Rasijskaje vydańnie «Politika Siehodnia» spytała ŭ deputata pra darečnaść cyrymonii z čyrvonaj stužačkaj u lesie.
«Dy kaho heta chvaluje? Čamu takija pytańni zadajuć mnie rasijskija žurnalisty? Mianie nivodny biełaruski ŚMI nie spytaŭ pra stužačku! Zrabicie spačatku niešta sami!» — adkazaŭ Marzaluk.
Deputat raspavioŭ, što mietaličnyja aharodžy zamiest starych draŭlanych i darožnaje pakryćcio ŭstalavali, nie patraciŭšy biudžetnych hrošaj. Pavodle jaho słoŭ, jon pryciahnuŭ sacyjalna-adkaznych biznesmienaŭ i jany adhuknulisia.
«Čyrvonaja stužačka — heta narmalny simvał. Simvał stanoŭčych pieramienaŭ. A što, treba było zusim bieź śviata zrabić? Tam žyvuć piensijaniery, maje vybarščyki. Jany prasili mianie zrabić hetaje śviata. My vyrašyli, što z ulikam hetych śvietłych śviataŭ — i paminańnia ŭsich prodkaŭ, i samaha vialikaha śviata, 9 Maja — taki nievialiki padarunak», — skazaŭ Marzaluk.
I dadaŭ, što ŭ Biełarusi asabliva imknucca kłapacicca pra starejšaje pakaleńnie ŭ prykład «susiedniaj braterskaj dziaržavie».
