U Pieciarburhu da biełaruskaj prastytutki pryjšoŭ iłžepalicyjant. A jana zymitavała prystup epilepsii
U rasijskim Sankt-Pieciarburhu rasśledujecca kryminalnaja sprava: iłžepalicyjant napaŭ na biełaruskuju prastytutku.
Dziŭnaja historyja adbyłasia 3 maja.
20-hadovaj prastytutcy, jakaja akazvaje intymnyja pasłuhi doma, pazvaniŭ patencyjny klijent. Jany damovilisia ab sustrečy.
Apynuŭšysia ŭ kvatery, mužčyna pradstaviŭsia supracoŭnikam palicyi i pradjaviŭ niejkaje paśviedčańnie. Dziaŭčyna spałochałasia, zvaliłasia na padłohu i stała imitavać prystup epilepsii.
Iłžepalicejski, miakka kažučy, ździviŭsia. Kali jon adciahnuŭ uvahu, prastytutka pasprabavała niejtralizavać jaho šarykavaj ručkaj — udaryła ŭ šyju i ŭ łob.
Tady klijent zabraŭ u jaje telefon i kala $500, ale z ruki niedareki ŭpaŭ hadzińnik. Da taho ž złamyśnik trapiŭ na kamiery videanazirańnia.
Zaviedziena kryminalnaja sprava pa artykule «rabavańnie», viadziecca vyšuk złačynca.
