U anhlijskim pałacy naviednikam dazvolać skarystacca pa pryznačeńni załatym unitazam
U Błenchiejmskim pałacy ŭstalujuć załaty ŭnitaz i dazvolać naviednikam im karystacca. Ekspanat pryviazuć na vosieńskuju bijenale i raźmieściać pobač z pakojem, dzie naradziŭsia Uinstan Čerčyl, paviedamlaje The Guardian.
Błenchiejmski pałac. Fota pxhere.com.
Jak mienavita buduć puskać u prybiralniu turystaŭ — pa žyvoj čarzie ci pa papiarednim zapisie, — kiraŭnictva pałaca jašče nie vyrašyła. Padkreślivajuć tolki, što la ekspanata budzie dziažuryć uzmocnienaja achova.
Łord Spensar-Čerčyl skazaŭ vydańniu, što ź nieciarpieńniem čakaje adkryćcia vystavy. Jon pažartavaŭ, što, choć i naradziŭsia sa srebnaj łyžkaj u rocie, ale na takoj raskošy, jak załaty ŭnitaz, nikoli nie siadzieŭ.
Pampiezny ekspanat z zołata 750-j proby — rabota italjanskaha skulptara Maŭrycya Katełana. Jana simvalizuje praźmiernaje bahaćcie niekatorych amierykancaŭ. U 2016 hodzie skulptura ŭžo demanstravałasia ŭ hramadskaj prybiralni muzieja Huhienchajm u Ńju-Jorku. Tady tvor mastactva naviedała 100 000 čałaviek.