Ciažki boj baksiora Kiryła Relicha: kamanda vymušana była vykinuć bieły ručnik VIDEA
Siońnia nočču ŭ Łuizijanie adbyŭsia paŭfinalny boj Suśvietnaj baksiorskaj supiersieryi (WBSS) u supierlohkaj vazie (da 63,5 kiłahram) miž biełarusam, čempijonam śvietu pa viersii WBA Kiryłam Relicham (23-2) i amierykancam Redžysam Prohrejsam (23-0).
Naš suajčyńnik prajhraŭ techničnym nakaŭtam u 6-m raŭndzie.
Fota WBSS.
Dla Relicha ŭsio pačałosia błaha: za paru siekundaŭ da pieršaha honhu jon prapuściŭ žorstki ŭdar pa piačoncy i ŭpaŭ, ale zdoleŭ padniacca i dastajać da kanca raŭnda.
Potym u Relicha było paru ŭdałych momantaŭ, ale hetaha było mała, Prohrejs biaźlitasna daminavaŭ.
U šostym raŭndzie kamanda biełarusa vykinuła bieły ručnik.
Voś hety momant.
The ending of #PrograisRelikh which got stopped in the sixth. pic.twitter.com/4TzaI29D1Z
Heta była druhaja abarona tytuła dla Relicha, pieršy raz jon zdoleŭ adstajać pojas u bai z rasijaninam Trajanoŭskim. Prohrejs nazyvaŭ boj z Relicham najvažniejšym u svajoj karjery.
Što cikava, dyk toje, što ŭ finale supiersieryi Prohrejs moža sustrecca jašče z adnym biełarusam, Ivanam Barančykam, čempijonam śvietu pa viersii IBF u hetaj ža katehoryi — jon jašče nie pravioŭ svoj paŭfinalny boj.