Łukašenka anansavaŭ vizit u Sierbiju
Pra heta Alaksandr Łukašenka zajaviŭ siońnia ŭ Piekinie na sustrečy z prezidentam Sierbii Alaksandram Vučyčam, paviedamlaje BiełTA.
«Naša ekanomika pačynaje padciahvacca bližej da palityki (havorka pra dobryja dvuchbakovyja adnosiny na palityčnym uzroŭni). Miarkuju, što ŭ najbližejšyja 2-3 hady my zmožam značna paskoryć supracoŭnictva ŭ napramku zbližeńnia pa ŭsich napramkach, pytańniach, što cikaviać nas», — skazaŭ kiraŭnik dziaržavy.
Alaksandr Łukašenka ŭ pryvatnaści anansavaŭ svoj vizit u Sierbiju. U ciapierašni čas viadziecca praca pa jaho napaŭnieńni. «Dumaju, što padčas našaj sustrečy i majho vizitu da vas u Sierbiju my vielmi surjozna abmiarkujem napramki našaha supracoŭnictva, kab nam było što skazać ludziam i ŭ Sierbii, i ŭ Biełarusi», — adznačyŭ biełaruski kiraŭnik.
