Pahladzicie, jak niezvyčajna ciapier vyhladaje najbolšaja minskaja kniharnia «Śvietač» FOTY
Najbujniejšy knižny mahazin Minska — Dom knihi «Śvietač» (pr. Pieramožcaŭ, 11) — adnaviŭ pracu 22 krasavika ŭ testavym režymie, paviedamlajuć «Minsk-Naviny».
Prastornyja zały, novaja i sučasnaja mebla, šyroki vybar litaratury, kancylarskich tavaraŭ, papiarovaj i suvienirnaj pradukcyi — usio heta haradžanie i hości stalicy mohuć acanić užo siońnia.
Zaraz «Śvietač» — śvietłaja i prastornaja prastora ŭ dva pavierchi. Da rekanstrukcyi płošča mahazina składała 1 300 kv. m. Zaraz — kala za 2 000 kvadrataŭ. Raniej u hetym ža budynku znachodziŭsia handlovy centr. Jon vyzvaliŭ pamiaškańnie, za košt čaho i pavialičyłasia płošča kniharni.
Ramontnyja raboty ŭ kramie ŭsio jašče praciahvajucca. Na pieršym paviersie ciapier źbirajuć novyja stełažy, a voś druhi amal hatovy.
— Jašče buduć ustanoŭleny kanapy z paduškami, pufiki. Zały ŭpryhožym kvietkami. Na druhim paviersie zapracuje kafe. Pobač ź im — zona dla prezientacyj, — raspaviała zahadčyca filijała AAT «Biełkniha» «Dom Knihi «Śvietač» Alena Bandarenka. — Paviesim vialiki manitor, jaki budzie infarmavać našych naviedvalnikaŭ ab knižnych navinkach.
