Minsk źviarnuŭsia da Maskvy z novaj prośbaj z-za nizkaj jakaści nafty
d-russia.ru
Hienieralny dyrektar AAT «Naftan» Alaksandr Dziamidaŭ zajaviŭ ab tym, što Minsk nakiravaŭ zvarot u «Transnaftu» z prośbaj pavialičyć prapampoŭvańnie pa naftapravodzie «Surhut — Połack», paviedamlaje ahienctva «RIA Naviny». Pavodle jaho słoŭ, techničnyja mahčymaści dla hetaha jość, a sam trubapravod ciapier pracuje tolki na 10% ad svajoj zahruzki.
Dziamidaŭ patłumačyŭ hetuju prośbu tym, što na paŭdniovaj vietcy naftapravoda «Družba» było zafiksavana pastupleńnie niajakasnaj nafty. Pry hetym u «Naftana» (u adroźnieńnie ad Mazyrskaha NPZ) jość mahčymaść atrymlivać naftu z abodvuch vietak.
U svaju čarhu hienieralny dyrektar pradpryjemstva «Homieltransnafta Družba» Aleh Barysienka adznačyŭ, što ŭtrymańnie chłarydaŭ u nafcie pieravyšaje normu ŭ 17 razoŭ, adnak pakrysie jakaść palapšajecca
