Lidzija Jarmošyna nazvała aptymalnuju datu praviadzieńnia parłamienckich vybaraŭ
Kiraŭnik Centrvybarkama Biełarusi Lidzija Jarmošyna zajaviła, što prapanuje Alaksandru Łukašenku pravieści vybary ŭ parłamient 17 listapada 2019 hoda.
«My budziem prapanoŭvać prezidentu datu 17 listapada», — zajaviła Jarmošyna RIA Novosti ŭ piatnicu.
Pavodle jaje słoŭ, data 7 listapada, pra jakuju ŭ chodzie pasłańnia da biełaruskaha naroda i parłamienta ŭ piatnicu kazaŭ Łukašenka, nie zanadta kamfortnaja z-za supadzieńnia niekalkich vychodnych dzion.
«My ličym, što pravodzić vybary 17 listapada bolš zručna. Mahčyma, viadoma, što i 7 listapada projduć vybary, ale my budziem prapanoŭvać 17», — skazała Jarmošyna.
Kiraŭnik CVK krainy taksama paviedamiła, što źbirajecca napisać kiraŭniku dziaržavy list z prośbaj pryniać jaje z dakładam, i tady mierkavanuju datu parłamienckich vybaraŭ jany abmiarkujuć bolš detalova.