Kvitki na atrakcyjony ŭ minskich parkach možna budzie kupić u internecie
Atrakcyjony ŭ minskich parkach imia Horkaha i Čaluskincaŭ abstalavali płaciežna-prapusknoj sistemaj ź videanazirańniem. Z pačatkam siezonu 24 krasavika minčuki i hości stalicy atrymajuć mahčymaść kuplać kvitki ŭ internecie, paviedamiŭ BiełTA hałoŭny inžynier UP «Minskzielenbud» Uładzimir Babiŭski.
Prachod na karusieli budzie arhanizavany praz turnikiety sa sčytvalnymi pryładami. Razam z čekami naviedvalniki atrymajuć razavyja kvitki z QR-kodam abo płastykavuju kartku ź pierśpiektyvaj šmatrazovaha vykarystańnia (papaŭnieńnia), roznyja abaniemienty na kankretny pieralik atrakcyjonaŭ.
«Prahramna-aparatny kompleks daść mahčymaść taksama ŭkaranić prodažu praź internet. Nabyć kvitok u pieršy raz možna budzie ŭsiaho za try, a paśla za adzin klik. Na elektronnuju poštu pryjdzie QR-kod, i čałaviek, padniasučy ekran telefona da skanaru turnikieta, zmoža atrymać pasłuhu», - rastłumačyŭ Uładzimir Babiŭski.
Atrakcyjony pačnuć pracavać 24 krasavika.
