«Ajaks» vybiŭ «Juvientus» z Kryšcijanu Ranałdu ź Lihi čempijonaŭ
Siońnia prajšli dva matčy ŭ adkaz 1/4 finału Lihi čempijonaŭ.
Fota z sajta uefa.com
«Barsiełona» biez prablem na svaim poli razabrałasia z «Mančester Junajted» — 3:0.
Dubl u Lijanela Mesi, hoł u Kaŭcińju. U pieršym matčy katałoncy ŭ haściach pieramahli 1:0. U stalicy Katałonii ničoha cikavaha nie było.
uefa.com
Tydzień tamu ŭ Amsterdamie była ničyja 1:1. Siońnia ŭ Turynie spačatku zabiŭ «Juvientus». Hoł u Kryšcijanu Ranałdu. Zdavałasia, usio. Italjanski kłub u paŭfinale
Ale ŭžo praź niekalki chvilin van de Biek lik zraŭniaŭ, a na 67-j chvilinie 19-hadovy Matejs de Liht vyvieŭ «Ajaks» napierad 2:1. «Juvie» treba było zabivać dva miačy, a jany ledź nie atrymali jašče adzin u svaje varoty.
Our captain! ❌❌❌#UCL#juvajapic.twitter.com/aaGEo3OfqK
Fota z sajta uefa.com
Niderłandski kłub bliskuča vychodzić u paŭfinał Lihi čempijonaŭ, ździejśniŭšy čarhovy podźvih u haściach. Miesiac tamu «Ajaks» u Madrydzie źniščyŭ «Reał».
Admietna, što amsterdamski kłub, jak i BATE, pačynaŭ baraćbu ŭ ŁČ z druhoha raŭnda kvalifikacyi.
U sieradu hulajuć: «Mančester Sici» — «Totenchiem» (pieršy matč — 0:1), «Portu» — «Livierpul» (0:2).
Paŭfinały projduć 30 krasavika — 1 maja i 7-8 maja.
«Barsiełona» zhulaje ź pieramožcam pary «Livierpul» — «Portu».
«Ajaks» — «ManSici»/«Totenchiem».