Arcybiskup Kandrusievič pra znos kryžoŭ u Kurapatach: Ja nie moh maŭčać
Mitrapalit niadaŭna pieranios apieracyju na chrybietniku, tamu nie moža siadzieć, a staić, fota catholic.by
16 krasavika Staršynia Kanfierencyi katalickich biskupaŭ u Biełarusi arcybiskup Tadevuš Kandrusievič sustreŭsia z žurnalistami na tradycyjnaj pres-kanfierencyi napiaredadni Vialikadnia. Była zakranutaja i tema Kurapataŭ, paviedamlaje catholic.by
Mitrapalit Tadevuš Kandrusievič skazaŭ, što niadaŭni znos kryžoŭ u Kurapatach skałynuŭ šyrokuju hramadskaść i vyklikaŭ bol i nieparazumieńnie ŭ biełaruskich chryścijanaŭ roznych kanfiesij. Kamientujučy hetaje śviatatactva, ijerarch, u pryvatnaści, adznačyŭ:
«Vialiki post. U centry ŭvahi my ŭ Kaściole, i ŭ Pravasłaŭnaj Carkvie, va ŭsich chryścijanaŭ my stavim Kryž. My pakłaniajemsia Kryžu <…> I ŭ hety samy čas znosiacca Kryžy… Z dazvołam, biez dazvołu pastaŭlenyja — heta ŭžo druhasnaja sprava. Ja za toje, kab usio było pavodle zakona, adnak kali ich stavili, asabliva nichto nie piarečyŭ. Kryž — heta simvał chryścijanstva, <…> heta — śviatyja rečy dla ludziej. (…) Tamu ja nie moh maŭčać, bo heta — źniavaha Kryža».
U adkaz na pravakacyjny i źniavažlivyja kamientary, pakinutyja niekatorymi karystalnikami ŭ adras arcybiskupa Kandrusieviča z nahody jaho zvarotaŭ adnosna źniščeńnia Kryžoŭ u Kurapatach, ijerarch z hodnaściu adkazaŭ:
«Ja naradziŭsia ŭ Biełarusi. Ja — hramadzianin Biełarusi. Ja nie vybiraju svajoj Baćkaŭščyny, ale słužu svajoj Baćkaŭščynie, jakoj źjaŭlajecca Biełaruś».
Usim niadobrazyčliŭcam arcybiskup Kandrusievič paraiŭ nie tracić marna svajoj enierhii na złaślivyja dopisy
Arcybiskup Tadevuš Kandrusievič zaklikaŭ terminova prypynić znos kryžoŭ u Kurapatach
«Nie znoście kryžoŭ! Spynicie kryžałom!» Zvarot arcybiskupa Tadevuša Kandrusieviča ŭ suviazi z novym znosam kryžoŭ u Kurapatach
