Aktyvisty źbirajuć hrošy na budaŭnictva draŭlanych leśvic na Mienskaje zamčyšča Ch stahodździa
Tydzień tamu Hleb Łabadzienka napisaŭ, što źbiraje srodki na stvareńnie draŭlanych leśvic na Mienskaje zamčyšča Ch stahodździa (ŭ Haradziščy na Miency).
U svaim fejsbuku jon paviedamiŭ, što pa stanie na ŭčorašni dzień była sabranaja roŭna tracina nieabchodnych hrošaj (zbor srodkaŭ tut). Heta dazvoliła nabyć častku materyjałaŭ i pačać pracu!
Pačali a 9 ranicy, a skončyli tolki a 23 hadzinie. Pieršaja 12-mietrovaja leśvica hatovaja. I ciapier na vał, dzie tysiaču hod tamu stajaŭ Usiasłaŭ Čaradziej, moža kamfortna padniacca kožny achvočy!
Ale heta tolki čaćviortaja častka zadumanaha, bo vały vielmi vialikija (1,6 ha) — i ahladnyja placoŭki płanujecca abstalavać u dvuch miescach.
«Dla skančeńnia pracy vielmi patrebnaja vašaja dapamoha, bo jašče nie chapaje 2/3 srodkaŭ. Hetymi leśvicami zmoža karystacca kožny z vas, pryjazdžajučy siudy samastojna ci pryvoziačy haściej (chto jašče nie byŭ, usie padrabiaznaści na www.miensk.by). Taksama vam buduć udziačnyja tysiačy turystaŭ, jakija naviedvajuć i buduć naviedvać Miensk na Miency», — piša Łabadzienka.
Fota: Dźmitryja Alejnika.
