U Zialenskaha raspaviali pra pieršyja dziesiać rašeńniaŭ na pasadzie prezidenta
10 pieršych rašeńniaŭ vykładzieny tak, piša liga.net.
1. Zaprasić Vialikabrytaniju i ZŠA ŭ narmandski farmat.
Kamanda Zialenskaha rychtuje vizity da kanclera Niamieččyny Anchieły Mierkiel, prezidenta Francyi Emanuela Makrona i prezidenta ZŠA Donalda Trampa.
Zialenski hatovy da pramych pieramovaŭ z Rasijaj pry ŭdziele mižnarodnych partnioraŭ, a z bajevikami «ŁNR» i «DNR» pieramovaŭ nie budzie. Taksama jon źbirajecca vyvieści ź pieramoŭnaha pracesu Viktara Miedviedčuka.
2. Likviduje «kankurencyju» pamiž Minabarony i Hienštabam.
3. Pryznačyć sumlennych sudździaŭ Vyšejšaha antykarupcyjnaha suda. Zialenski daviaraje vynikam konkursu, praviedzienaha z udziełam mižnarodnych ekśpiertaŭ.
4. Prapanuje Viarchoŭnaj Radzie pryniać zakon ab miedyjacyi. Zialenski ličyć, što ŭ čałavieka pavinien być vybar: ci iści ŭ sud abo vykarystoŭvać alternatyŭny sposab vyrašeńnia sprečki.
5. Uniasie ŭ Radu ekanamičny błok zakonaprajektaŭ. 5% -naja padatkovaja amnistyja z 2020 hoda, padatak na vyviedzieny kapitał i Słužba finansavych rasśledavańniaŭ, mižnarodny abmien padatkovaj infarmacyjaj.
6. Uniasie kandydatury kiraŭnikoŭ Minabarony, MZS, SBU i Hienprakuratury: imiony ahučyć da 19 krasavika.
Nieaficyjna nazvali nastupnyja imiony: MZS — eks-ministr finansaŭ Alaksandr Daniluk, HPU — eks-prakuror ZŠA Marta Boršč abo eks-staršynia Nacyjanalnaha antykarupcyjnaha kiravańnia Rumynii Łaŭra Koviešy, SBU — Ihar Śmiaško.
7. Paprosić parłamient pryniać pakiet zakonaprajektaŭ ab narodapraŭstvie, kab urehulavać pytańnie ahulnanacyjanalnaha i miascovych refierendumaŭ, a taksama adklikańnia nardepaŭ i impičmientu prezidenta.
8. Praviadzie aŭdyt dziaržavy, stvaryŭšy kansultatyŭny orhan z ekśpiertaŭ, u tym liku mižnarodnych, jakija praviaduć aŭdyt na praciahu 3—4 miesiacaŭ.
9. Ukaranić «sakretny płan» dla Viarchoŭnaj Rady. Maŭlaŭ, kali supracoŭnictva z deputatami nie atrymajecca, buduć inšyja varyjanty, «jakija mnohich ździviać».
10. Refarmuje Administracyju prezidenta, prybraŭšy «kurataraŭ». AP pavinna vykonvać funkcyju kancylaryi i napracoŭvać idei.