Łukašenka aryjentavaŭ sudy na biezumoŭnaje vykanańnie pryncypu sacyjalnaj spraviadlivaści
Asnoŭny kryter, jakim kirujucca ludzi pry acency raboty sudoŭ, — sacyjalnaja spraviadlivaść. Jana źjaŭlajecca nie tolki załoham davieru nasielnictva da sudoŭ i pravasudździa, ale i važniejšym składnikam ideałohii biełaruskaj dziaržavy. Pra heta siońnia zajaviŭ Alaksandr Łukašenka ŭ novym budynku Viarchoŭnaha suda na naradzie pa pytańniach udaskanaleńnia dziejnaści sudoŭ ahulnaj jurysdykcyi, paviedamlaje BiełTA
«Hramadzianie pavinny być upeŭnieny, što ŭ sudzie znojduć abaronu svaich pravoŭ i zakonnych intaresaŭ. Heta značyć, ich prablemu pačujuć, pahłybicca ŭ žyćciovuju situacyju, prymuć arhumientavanaje i ŭzvažanaje rašeńnie. I vielmi važna, kab čałavieku było zrazumieła, čamu sud vynies mienavita takoje rašeńnie, — skazaŭ kiraŭnik dziaržavy. — Ludzi, jakija pryjšli ŭ sud, pavinny vieryć u jaho zdolnaść ŭstalavać iścinu. Tady im nie pryjdziecca ŭ pošuku praŭdy źviartacca da prezidenta».
