Dumaŭ, što telefon. Žychar Maładziečanskaha rajona skraŭ terminał z kramy
U adnym z praduktovych mahazinaŭ Maładziečna rabotniki vyjavili prapažu terminała. Na miesca zdareńnia pryjechała śledča-apieratyŭnaja hrupa.
Paśla vyvučeńnia zapisaŭ z kamier videanazirańnia vyśvietlili, što kala hadziny dnia adzin z pakupnikoŭ, znajšoŭšy pryładu ŭ kalascy z akcyjnym tavaram, tajemna vykraŭ jaje.
Paśla čaho raspłaciŭsia za pradukty charčavańnia na kasie i źnik. Pryłada pryznačana dla čytańnia štrych-kodaŭ i źniešnie nahadvaje mabilny telefon albo kalkulatar. Materyjalny ŭron administracyja kramy acaniła ŭ 787 rubloŭ.
Infarmacyju pra pošuk mužčyny ŭ internecie pračytała žycharka Maładziečna. Na fotazdymkach jana paznała svajho baćku.
Paśla razmovy z dačkoj mužčyna źjaviŭsia ŭ RAUS. 64-hadovy piensijanier, žychar vioski Rajoŭka Maładziečanskaha rajona, padumaŭ, što heta byŭ mabilny telefon, jaki zabylisia naviedvalniki kramy.
U svajo apraŭdańnie mužčyna zajaviŭ, što ŭziaŭ pryładu i čakaŭ zvanka, kab paviedamić pra svaju znachodku i viarnuć uładalniku.
