Vyniesieny surovy prysud načalniku vajskova-miedycynskaha ŭpraŭleńnia Minabarony
Načalnik vajskova-miedycynskaha ŭpraŭleńnia Minabarony Alaksiej Jaśkoŭ pryznany vinavatym u atrymańni chabaraŭ i złoŭžyvańni słužbovymi paŭnamoctvami. Prysud — dzieviać hadoŭ pazbaŭleńnia voli ŭ kałonii ŭzmocnienaha režymu, pazbaŭleńnie zvańnia pałkoŭnika miedsłužby, štraf 12 750 rubloŭ i kanfiskacyja majomaści, piša Tut.by.
Alaksieja Jaśkova zatrymali ŭ červieni 2018 hoda. Pa viersii śledstva, za paśpiachovuju ŭhodu pa pastaŭcy endaskapičnaha abstalavańnia jon atrymlivaŭ ad kampanij 7% ad ahulnaj sumy, za ultrahukavoje — 5%. Hrošy pieradaŭ dyrektar firmy «Hieoł-M» Siemianiuk, u dačynieńni da jakoha taksama raspačata kryminalnaja sprava — za ŭchileńnie ad vypłaty padatkaŭ. Ahulnaja suma chabaraŭ, jak adznačana ŭ materyjałach spravy, 18 tysiač dalaraŭ.
Padčas śledstva Jaśkoŭ pryznavaŭ, što atrymlivaŭ chabar. Na sudzie zajaviŭ, što nievinavaty. Adzin sa śviedkaŭ, zahadčyk endaskapičnym adździaleńniem 432-ha kliničnaha centra (vajskovy špital) Ihar Ravucki, raspaviadaŭ, što nijakich ukazańniaŭ pa zakupcy abstalavańnia ad Jaśkova nie atrymlivaŭ, zadańnie rychtavałasia nie pad kankretnuju firmu, centr chacieŭ zakuplać japonskaje sučasnaje abstalavańnie Olympus, Pentax, Fujinon.
Sud paličyŭ, što vina Jaśkova dakazanaja ŭ poŭnym abjomie i, jak i zapytvaŭ dziaržabvinavaŭca, prysudziŭ jaho da 9 hadoŭ pazbaŭleńnia voli.
Akramia taho, sud vynies pryvatnaje vyznačeńnie na adras Minabarony, pakazaŭšy na nieabchodnaść pavysić kantrol pry praviadzieńni dziaržzakupak.
