Syn kiraŭnika Mi-6 zahinuŭ u avaryi
U Šatłandyi zahinuŭ syn kiraŭnika Sakretnaj słužby raźviedki (Mi-6, Mi6) Aleksa Janhiera. Pra heta paviedamlaje The Guardian.
Pavodle palicyi, 22-hadovy Sem Janhier zahinuŭ u vyniku DTZ na terytoryi pryvatnaha doma ŭ rehijonie Sterlinh ŭ subotu, 30 sakavika. U pravaachoŭnych orhanach paviedamili, što pakul śmierć maładoha čałavieka «razhladajecca jak nievytłumačalnaja, adnak padazronych abstavinaŭ, pavodle papiarednich źviestak, niama». U ciapierašni čas pryčyny avaryi rasśledujucca.
Siamja Sema apisała jaho jak vydatnaha syna, a taksama paprasiła pavažać pryvatnaje žyćcio. Małady čałaviek skončyŭ prestyžny Daličski kaledž, padčas vučoby ŭ jakim byŭ taksama členam kamandy pa rehbi. Asacyjacyja byłych vučniaŭ nazvała Janhiera bieskaryślivym, dušeŭnym, viasiołym i addanym.
