U NATA raspaviali, dzie ŭ Polščy pabudujuć skład dla armii ZŠA
Hienieralny sakratar NATA zajaviŭ, što Aljans vydzielić srodki na budaŭnictva. Pra heta paviedamlaje Polskaje radyjo sa spasyłkaj na słovy hienieralnaha sakratara Aljansu Jensa Stołtenbierha.
NATA pabuduje ŭ Polščy skład dla amierykanskaj armii ŭ miastečku Povidz (Vialikapolskaje vajavodstva).
Hienieralny sakratar NATA adznačyŭ, što na budaŭnictva vydzielać 260 młn. dołaraŭ. Tam buduć zachoŭvać braniravanyja mašyny, bojeprypasy i zbroju amierykanskaj bryhady.
«Hetaja inviestycyja ŭ infrastrukturu ŭ centralnaj Polščy źjaŭlajecca častkaj vialikich namahańniaŭ, ŭmacoŭvaje vajennuju mabilnaść. Dziakujučy papiarednie raźmieščennamu abstalavańniu, my pavialičym hatoŭnaść našych vojskaŭ da dziejańniaŭ. Havorka idzie taksama ab zdolnaści chutka pieravozić ludziej, a nie tolki pra ciažkuju techniku », — skazaŭ Stołtenbierh.
Pavodle jaho słoŭ, inviestycyja atrymała finansavańnie štab-kvatery i źjaŭlajecca klučavoj dziakujučy blizkaści bujnoha aeraporta.