Siońnia Dzień Voli. 101 hod tamu biełarusy ŭpieršyniu abviaścili niezaležnaść
Siońnia adznačajecca Dzień Voli. 101 hod tamu, ranicaj 25 sakavika (heta byŭ taksama paniadziełak) u 1918 hodzie, va ŭmovach niamieckaj akupacyi ŭ Miensku była simvalična abvieščana niezaležnaść Biełaruskaj Narodnaj Respubliki.
Kali b nie było BNR, nie było b i BSSR. I mahło nie być niezaležnaj Biełarusi.
U Biełarusi na aficyjnym uzroŭni Dzień Voli nie adznačajecca. Zatoje niezaležnaja hramadskaść tradycyjna ładzić svaje śviatkavańni.
Sioleta supała tak, što asnoŭnyja mierapryjemstvy prajšli 23 i 24 sakavika, ale niekalki budzie i siońnia.
Z kvietkami da domu BNR u Minsku 25 sakavika
Uviečary 25 sakavika šerah apazicyjnych palitykaŭ, siarod jakich Mikałaj Kazłoŭ, Vital Rymašeŭski, Ihar Barysaŭ, źbirajucca prajści ad Kastryčnickaj płoščy da doma na vulicy Vaładarskaha (byłaja Sierpuchaŭskaja), 9, dzie 25 sakavika 1918 hodu była abvieščana niezaležnaść BNR.
Adukacyjnaja viečaryna ŭ honar 101-ch uhodkaŭ stvareńnia BNR 25.03
25 sakavika ŭ Minsku — adukacyjnaja viečaryna dla dzietak u honar 101-ch uhodkaŭ stvareńnia BNR ad adukacyjnaha centra «Kročym razam!». Padrabiaznaści tut.
Akcyja «Vialiki supolny salut» 25.03
25 sakavika, 21.00, luby punkt Ziamli. Prapanoŭvajecca samastojna nabyvać i zapuskać śviatočnyja fiejervierki adnačasova 25 sakavika a 21-j hadzinie pa biełaruskim časie, a zatym dzialicca fotazdymkami i ŭražańniami ŭ sacyjalnych sietkach z chešteham #BNR101. Padrabiaźniej tut.
Akcyja «Naš ściah» 25.03
25 sakavika, uvieś dzień, luby punkt Ziamli. Prapanoŭvajecca vyviešvać bieł-čyrvona-biełyja ściahi na haŭbcach, u voknach, svaich aŭto, ofisach, dvarach pryvatnych damoŭ i lubych inšych miescach, a taksama raspaviadać historyi ŭłasnych bieł-čyrvona-biełych ściahoŭ u svaich sacyjalnych sietkach z chešteham #NašŚciah. Padrabiaźniej tut.
Mastackaja vystava ŭ Babrach (Krupski rajon) 25.03
Dva dziasiatki hadoŭ u rodnym miastečku Bobr Krupskaha rajonu ładzić akcyi na Dzień Voli mastak Aleś Puškin. Hetym razam 25 sakavika na centralnym placy jon arhanizuje vystavu apošnich pracaŭ — buduć prezentavanyja partrety Stanisłava Bułak-Bałachoviča i Vacłava Łastoŭskaha.
Aleś Puškin z svajoj karcinaj na płoščy ŭ Babry, Dzień Voli — 2014
«Maja kancepcyja takaja: kožny aktyvist — krajaznaŭca, litaratar, pasijanar — musić niešta zładzić u centry svaich Krupak, Kojdanava ci Marjinaj Horki. Vychodźcie, stavajcie, abirajcie jakuju-chacia formu — kancert, čytańnie vieršaŭ, karmleńnie hałuboŭ. Heta i budzie ŭniosak u adznačeńnie 101-j hadaviny našaj dziaržaŭnaści. Niekalki hadzin pryśviacić, kab minaki bačyli, što jość takoje śviata. Maje adnaviaskoŭcy ŭžo pryzvyčailisia da štohadovych vystavaŭ pad adkrytym niebam».
Supolny zabieh biełarusaŭ pa ŭsim śviecie
4 sakavika startavała rehistracyja na «Volny zabieh — 2019», jaki abjadnoŭvaje biełarusaŭ śvietu z nahody śviatkavańnia BNR-101. Arhanizatary spadziajucca, što sioleta ahulnymi namahańniami ŭdasca skaryć 1000 kiłamietraŭ.
Pieršy «Volny zabieh» adbyŭsia letaś: jon abjadnaŭ 104 udzielnikaŭ z 16 krain, razam jany prabiehli 669 kiłamietraŭ.
Kab uziać udzieł u «Volnym zabiehu», treba zarehistravacca na sajcie runbnr.org, prabiehčy «volnuju dystancyju» dy padzialicca ŭ sacyjalnych sietkach fatazdymkam — ź bieł-čyrvona-biełym ściaham abo hierbam «Pahonia» i paznakaju #belarus101run.
