U Navapołacku dźvie chaski zahryźli kata, ludzi sprabavali niaščasnuju žyviołu baranić

Incydent adbyŭsia 20 sakavika ŭ 18.15 kala doma 140 pa vulicy Maładziožnaj u Navapołacku. Dźvie chatnija chaski nakinulisia na kata, piša kp.by.

Pa słovach vidavočcaŭ, haspadar sabak nie sprabavaŭ adciahnuć svaich sabak abo choć niejak pieraškodzić im irvać kata, a kali minaki zrabili jamu zaŭvahu, adkazaŭ im niecenzurna. Try žančyny sprabavali abaranić kata. Vidavočcy vyklikali milicyju.

Na mužčynu skłali dva administracyjnyja pratakoły — za chulihanstva i za parušeńnie praviłaŭ utrymańnia žyvioł (dvuch darosłych chaski jon vyhulvaŭ biez namordnikaŭ). Kata advieźli ŭ vietlačebnicu, ale paškodžańni byli nastolki mocnymi, što jaho pryjšłosia ŭsypić.

0

0

0

0

0

0