Kaściuška, Simanaŭ, raźnia ŭ Vilni: apošnija dni prodažu №3 «Našaj historyi»
Pytajciesia ŭ kijoskach i kniharniach.
Čamu dziaržavy słabiejuć i hinuć? Kali minaje toj momant nieviartańnia, paśla jakoha dziaržavu ŭžo nie ŭratavać? Čamu biełarusaŭ vučyć u hetym sensie naša historyja?
U hetym hodzie adznačajecca 225-hodździe paŭstańnia pad kiraŭnictvam Tadevuša Kaściuški. Kaściušku šanujuć palaki i amierykancy. Jon hieroj, naš vialiki ziamlak. Ale jahony i jahonych paplečnikaŭ hieraizm nie ŭratavaŭ Rečy Paspalitaj ad padziełu. Ci možna było toj zaniapad praduchilić? Ci mahła dziaržavy vyrvacca z zaležnaści ad mahutnych susiedziaŭ, u jakuju trapiła jašče pry kancy XVIII stahodździa?
I bijahrafija — niaprostaja — Kaściuški, i analiz dziejańniaŭ apošniaha kiraŭnika Rečy Paspalitaj Stanisłava Aŭhusta Paniatoŭskaha dajuć nam adkaz na hetyja pytańni.
Susiednija dziaržavy staranna błakavali lubyja sproby refarmavać krainu. Im było vyhadna zachavać tuju ŭjaŭnuju «stabilnaść», pry jakoj hod za hodam padtočvaŭsia fundamient dziaržavy. U vyniku da krytyčnaha momantu Reč Paspalitaja padyšła, nie majučy ni struktur, zdolnych jaje abaranić, ni resursaŭ dla supracivu.
Elitam Rečy Paspalitaj zdavałasia, što jany znoŭ i znoŭ zdolejuć u buru prajści suchimi miž ścienami daždžu. Paśla padziej XVII stahodździa šlachta pavieryła ŭ nieśmiarotnaść Rečy Paspalitaj. Maskoŭski car tady dajšoŭ da Vilni, šviedy — da Bresta, Chmialnicki adarvaŭ Ukrainu, — ale kraina ŭvaskresła z popiełu.
My vielmi ździvili b navat karala Stanisłava Aŭhusta, pradkazaŭšy taki los jahonaj dziaržavie navat za paru hadoŭ da padziełu. Adstavańnie ŭ ekanomicy, kansiervacyja anachraničnych sacyjalnych adnosin, ehaizm mahnataŭ-«aliharchaŭ», słabaść armii — takim patryjotam, jak Kaściuška, tam prosta nie znachodziłasia miesca, i jon staŭ hienierałam u vajnie za niezaležnaść ZŠA.
…Kaściuška — znakavy piersanaž jeŭrapiejskaj historyi. Słaŭna, što za apošnija hady źjaviłasia dva biełaruskija pomniki jamu: adzin u šviejcarskim Załaturnie, dzie jon pamior, druhi ŭ biełaruskaj Mieračoŭščynie, dzie jon vyras. Što važna: u abodvuch vypadkach inicyjatyva ŭstanoŭki naležała hramadskim dziejačam, a hrošy źbiralisia pa ludziach. Pamiatajučy pra pamyłki minułaha, treba pamiatać i pra jaho rycaraŭ. Jany nie byli takimi, jak my, jany dumali i havaryli inakš, ale my ŭsie — adnoj ziamli.
Nahadaju, što na «Našu historyju» ciapier vielmi vyhadna padpisacca. Vam časopis budzie abychodzicca tańniej, a redakcyja taksama atrymlivaje bolš hrošaj z padpiski, čym z prodažaŭ u šapikach. Padpisku na druhi kvartał 2019 hoda prymajuć da 26 sakavika na ŭsich poštach, a taksama doma, zaprasiŭšy paštaljona. Padpisny indeks 00469.
U №3 «Našaj historyi» vy znojdziecie taksama artykuły pra darahoha Leanida Iljiča Brežnieva i jaho nieśmiarotnyja tvory.
Znojdziecie bijahrafiju Kanstancina Simanava, jaki «Nie płakaŭ pa žoncy, a płakaŭ pa Stalinu».
Amatary dobraj kuchni znojduć padrabiazny artykuł pra tradycyjnyja śviatočnyja baby i bulbianuju babku.
Tradycyjna časopis publikuje šmat historyj «ź pieršych vusnaŭ», uspaminaŭ ludziej z roznych kutkoŭ krainy. Hetym razam ź cikavych artykułaŭ varta adznačyć «Ostarbajtar, abo Padarožža tudy i nazad» pra toje, jak 17-hadovy chłopiec z-pad Naračy trapiŭ u Narviehiju i pracavaŭ ź ludźmi z roznych kancoŭ Jeŭropy.
A taksama pra niezvyčajnyja kamiani ŭ vioscy Patapavičy pry starym haścincy, što złučaje Lachavičy i Kleck.
Ciažka rabić vybarku: u «Našaj historyi», jak zaŭsiody, niama «prachadnych» tekstaŭ. Viačasłaŭ Nasievič — jak dzialić spadčynu Rusi; Andrej Buča — padrabiazny partret pieršaha kabmina BNR; Uładzimir Lachoŭski — jak vybirali hierb BSSR (Čarviakoŭ i tavaryšy sprabavali praciahnuć maksimalna nacyjanalny varyjant); Andrej Vaškievič — pra kałaradskich žukoŭ; Maksim Hacak — pra raźniu ŭ vilenskaj himnazii 1925 hoda, jakaja tak nahadvaje niadaŭnija padziei ŭ Stoŭbcach; pra muzyku na kaściach i Vilenskaha baroka… Nu i našy adbornyja komiksy. Voś źmiest:
Pytajciesia časopis u šapikach i kramkach «Biełsajuzdruku» abo na poštach. A taksama voś ahulny śpis kniharań, dzie možna znajści naš časopis u roznych haradach:
Minsk
«Akademkniha» (na stancyi mietro Akademija navuk)
Filija «Akademknihi» na Bahdanoviča, 46
Symbal.by (pr. Mašerava, 18)
Handlovy centr «Kupałaŭski» (pad Kastryčnickaj płoščaj), kramy 41—42 i 44—45
«Halijafy» (Niamiha, 3, krama № 47 na cokalnym paviersie)
«Moj modny kut» (Centr Maskoŭska-Vienski, paviljon 333 — heta kala CUMa, mietro Jakuba Kołasa, pr. Niezaležnaści 58)
Knižny kirmaš pa vuł. Daŭmana, 23 (subota 00.00-14.00), miesca 78b
«Rahna» (Suchaja, 4, mietro Frunzienskaja)
«Knižnaja šafa» (Dziaržynskaha, 9)
dy inšyja
Poštaj ci z dastaŭkaj na dom
vy možacie jaho zamović praz Symbal.by, Halijafy.by, Knihi.by, Kniger.by, Akademkniga.by, Ragna.by.
Hrodna
«Cudoŭnia» (Kirava, 3)
dy inšyja
Brest
«Kniaź Vitaŭt» (Savieckaja, 55)
dy inšyja
Homiel
«Knižny śviet» (pr. Lenina, 45)
Viciebsk
«Śvietač» (Kirava, 10)
dy inšyja
Mahiloŭ
«Haściniec» (Viciebski praśpiekt, 48)
dy inšyja
Babrujsk
«Krynica viedaŭ» (Horkaha, 31).
Baranavičy
«Knihi» (vuł. Savieckaja, 73)
Maładziečna
«Spadčyna» (vuł. Prytyckaha, 7)
Lida
«Knižny śviet» (pr. Pieramohi, 33)
Navapołack
«Dom knihi» (vuł. Maładziožnaja, 145)
«Uschod» (vuł. Kirava, 4)
Pinsk
«Moj modny kut» (vuł. Lenina, 31)
Vilnia
Pabačyć možna ŭ šapiku biełaruskaj parafii kaścioła ŭ Zareččy (Užupis), jon pracuje ŭ niadzieli, padčas słužby.
Varšava
Pabačyć možna ŭ Biełaruskim domie (13/3, Wiejska).
Nahadvajem, što časopis možna kupić i ŭ PDF, u elektronnaj viersii. Rekamiendujem jaje dla ŭsich, u kaho niama dostupu da papiarovaj viersii.
Padpisny indeks 00469
Vy ž viedajecie, što na 2019 hod užo možna padpisvacca. Padpisny indeks 00469. Pryčym pa padpiscy časopis abychodzicca tańniej, čym u kramach i kijoskach.
Jakija pryncypy novaha časopisa
My robim navukova-papularny časopis. Heta značycca, što jon aryjentavany na prostaha čytača, a nie navukoŭcaŭ. Naš padychod — historyja prostymi słovami.
My zadumali jaho jak časopis, jaki budzie jadnać, a nie dzialić. Akramia taho, nam važnyja sistemnaść, abjektyŭnaść i histaryzm. Nam važna pisać bieź mifałohii i mistyfikacyj, bo tolki praŭda cikavaja.
