Łukašenka: Nie treba zaciahvać pajasy, užo nazaciahvalisia, dosyć
president.gov.by
Ab hetym Alaksandr Łukašenka zajaviŭ siońnia na sustrečy z aktyvam Baranavičaŭ i Baranavickaha rajona, paviedamlaje BiełTA
«Varta słova skazać — i adrazu pajšła chvala, pačynajučy ź Minska, na Uschod, na Zachad. Usie razhladajuć nas i tak, i siak. Heta naturalna, bo Biełaruś stała epicentram našaha rehijona ŭ siłu taho, što my z vami, ścisnuŭšy zuby, vytrymali ŭsie napadki, vycierpieli, — skazaŭ Alaksandr Łukašenka.
— Uvieś śviet siońnia hladzić na Biełaruś, pačynajučy z tych krain, jakija znachodziacca ŭ našym rehijonie — Narviehija, Šviecyja, Finlandyja, zakančvajučy dalokaj duhoj, afrykanskaj».
Mnohija z krain, zaŭvažyŭ kiraŭnik dziaržavy, raźličvajuć na padtrymku Biełarusi. «Usie viedajuć pra Biełaruś, i mnohija raźličvajuć na toje, što Biełaruś i technałahična, i «mazhami» zmoža akazać im adpaviednuju padtrymku. My nie suprać, ale heta kaštuje hrošaj, za heta treba płacić. Na hetym my pavinny zarablać. Ale zarabić my možam, tolki źjadnaŭšysia ŭsie razam i dziejničajučy ŭ vyznačanym kirunku.
Pry hetym nie treba zaciahvać pajasy, užo nazaciahvalisia, dosyć. Nie treba ludziej pałochać, treba prosta pracavać, zabiaśpiečvajučy siabie i svaju siamju, svoj rehijon i svaju dziaržavu, u jakoj nam z vami žyć», — źviarnuŭ uvahu jon.