MZS Rasii vielmi strymana prakamientavała palemiku Babiča i Hłaza
MZS Rasii praz tydzień prakamientavała zavočnuju dyskusiju MZS Biełarusi i rasijskaha pasła Michaiła Babiča. Kamientar apublikavany na sajcie rasijskaha viedamstva.
«Uvaha da hetych pytańniaŭ — całkam vytłumačalnaja. Rasijanam i biełarusam nieabyjakava, jak buduć raźvivacca adnosiny pamiž dźviuma sajuznymi krainami, asabliva na fonie ciapierašniaj niaprostaj mižnarodnaj abstanoŭki, hłabalnych ryzyk i vyklikaŭ. Z ulikam hłybini i maštabu našaha supracoŭnictva hetyja dyskusii čaściakom nabyvajuć emacyjny charaktar, časam, na žal, vychodziačy za ramki dypłamatyčnaj karektnaści», — havorycca ŭ kamientary.
«Chaciełasia b tolki paćvierdzić pryncypovy momant. Biełaruś źjaŭlajecca brackaj krainaj, samym nadziejnym, stratehičnym partnioram Rasii», — adznačajecca ŭ paviedamleńni.
«Zrazumieła, u rasiejska-biełaruskich adnosinach byvajuć siužety, pa jakich acenki i padychody bakoŭ nie va ŭsim supadajuć. Pry hetym, adnak, my zaŭsiody znachodzili i znachodzim rašeńni navat samych ciažkich pytańniaŭ. U vyrašalnaj stupieni hetamu spryjaje toje, što niezaležna ad vastryni prablemy naš dyjałoh prachodzić u ramkach ŭzajemapavažlivaha, karektnaha i prafiesijnaha abmienu dumkami, charakternaha dla našych brackich krain. Takim jon pavinien zastavacca i nadalej», — źviartaje ŭvahu MZS Rasii.
«Nastrojenyja na praciah spakojnaj rytmičnaj pracy na dasiahnieńnie kankretnych vynikaŭ biez emocyj i niepatrebnych publičnych vypleskaŭ. Raźličvajem na taki ž padychod i ad našych biełaruskich siabroŭ», — reziumuje rasijskaje zamiežnapalityčnaje viedamstva.