Rasijskaje abvinavačańnie patrabuje 6 hadoŭ źniavoleńnia dla ŭkrainca Paŭła Hryba, jaki źnik paśla pajezdki ŭ Homiel
Fota Radyjo Svaboda
Bok abvinavačvańnia padčas suda ŭ rasijskim Rastovie-na-Donie patrabuje dla ŭkrainca Paŭła Hryba 6 hadoŭ kałonii ahulnaha režymu. Pra heta ŭ siabie ŭ fejsbuku napisaŭ rasijski aktyvist Viačasłaŭ Razancaŭ.
Pavieł Hryb źnik paśla pierasiačeńnia ŭkrainska-biełaruskaj miažy 24 žniŭnia 2017 hoda. Jon nakiroŭvaŭsia ŭ Homiel na sustreču z Taćcianaj Jaršovaj (u intervju žurnalistam jana pryznałasia, što sustreča adbyłasia ź inicyjatyvy FSB).
MUS Biełarusi paviedamiła, što nie zatrymlivała Hryba, a 7 vieraśnia vyśvietliłasia, što Pavieł Hryb znachodzicca ŭ rasijskim SIZA FSB u Krasnadary. Rasijskija siłaviki śćviardžajuć, što zatrymlivali chłopca ŭ Smalenskaj vobłaści.
Hryba vinavaciać pa artykule 205.1, častka 1 KK Rasii — heta značyć schileńnie da teraktu.
