Biełaruś nie vykonvaje antykarupcyjnyja standarty Rady Jeŭropy
HREKA (Hrupa dziaržaŭ pa baraćbie z karupcyjaj) zajaviła ab parušeńni Biełaruśsiu antykarupcyjnych standartaŭ Rady Jeŭropy.
Z 2012 hoda z 24 rekamiendacyj HREKA dla Biełarusi 20 tak i zastalisia nie vykanany (naprykład, ab pryciahnieńni pa karupcyjnych spravach asob, jakija znachodziacca ŭ tak zvanym kadravym rejestry prezidenta).
«Nievykanańnie praviłaŭ i normaŭ HREKA kidaje cień jak na prychilnaść uładaŭ Biełarusi prafiłaktycy karupcyi i baraćbie ź joj, tak i na supracoŭnictva z HREKA ŭ cełym, - zajaviŭ staršynia abjadnańnia Maryn Mrčeła. — Heta pryviało da taho, što ŭpieršyniu ŭ svajoj praktycy HREKA vystupaje z zajavaj ab parušeńni adnym sa svaich členaŭ standartaŭ Rady Jeŭropy ».
Maryn Mrčeła padkreśliŭ, što «hetyja rekamiendacyi nie tolki ŭjaŭlajuć saboj asnoŭnyja sposaby viadzieńnia dziejsnaj baraćby z karupcyjaj, ale i źjaŭlajucca stryžnievymi pryncypami HREKA i Rady Jeŭropy naohuł».
«My źviarnulisia da ŭsich dziaržaŭ, jakija ŭvachodziać u našu arhanizacyju, z prośbaj u budučyni brać pad uvahu hetuju situacyju pry kantaktach ź Biełaruśsiu ŭ raźliku, što heta nadaść hetak nieabchodny impuls aktyvizacyi namahańniaŭ pa vykanańni joju svaich antykarupcyjnych abaviazacielstvaŭ. Spadziajemsia, heta pasłužyć surjoznym sihnałam i pieraściarohaj dla Biełarusi», - dadaŭ jon
