Prarasijskija kandydaty nie prajšli ŭ druhi tur prezidenckich vybaraŭ u Słavaččynie. Šancy na pieramohu maje charyzmatyčnaja libierałka
Zuzana Čaputova maje vialikija šancy stać prezidentkaj Słavaččyny.
U druhi tur vybaraŭ u Słavaččynie vyjšli advakatka i hramadskaja dziejačka Zuzana Čaputova i namieśnik kiraŭnika Jeŭrakamisii Maraš Šefčavič. Libierałka Čaputova nabiraje 41 % hałasoŭ. Sacyjał-demakrat Šefčavič sabraŭ 19 %.
Były kiraŭnik Viarchoŭnaha suda, rusin pa pachodžańni Štefan Harabin nabraŭ 14 %. Ultranacyjanalist Maryjan Kotleba — 10 %. Hetych ličać prarasijskimi palitykami, jany išli na vybary z antyjeŭrapiejskaj rytorykaj.
Praz dva tydni, 30 sakavika, u Słavaččynie adbudziecca druhi tur vybaraŭ.
Prezident u Słavaččynie maje pieravažna cyrymanijalnyja funkcyi, ale abirajecca ŭsieahulnym hałasavańniem.
Słavaččyna — 5-miljonnaja słavianskaja kraina, što dałučyłasia da NATO paźniej za svaich susiedziaŭ ź Vienhryi, Čechii i Polščy, bo spačatku ŭ joj isnavaŭ aŭtarytarny režym. Słavaččyna zrabiła vialiki ryvok u svaim ekanamičnym raźvićci paśla dałučeńnia da ES.
46-hadovaja Čaputova — namieśnica staršyni levalibieralnaj partyi «Prahresiŭnaja Słavaččyna». Jana ŭ razvodzie, haduje dvaich dziaciej. Jaje apanient, daśviedčany, ale nie charyzmatyčny karjerny dypłamat ź vialikaj praktykaj pracy ŭ Bruseli, byŭ vyłučany ad sacyjał-demakratyčnaj pa ekanamičnaj pazicyi, ale kansiervatyŭnaj u płanie tradycyj partyi «Šlach». Čaputova zrabiła sabie imia jak udzielnica kampanij u abaronu navakolnaha asiarodździa.