Babič pra słovy nakont pahrozy suvierenitetu Biełarusi: Kali heta namioki na Rasiju, to heta zusim nie pa-partniorsku
kremlin.ru
Rasija hatova pry nieabchodnaści dapamahčy Biełarusi abaranić jaje suvierenitet u vypadku adpaviednych pahroz z boku Zachadu, anałahičnych «kalarovych» revalucyj i dziaržpieravarotaŭ, zajaviŭ pasoł Rasii ŭ Minsku Michaił Babič u intervju RIA Naviny.
«Usim, mnie zdajecca, daŭno chaciełasia b zrazumieć, chto robić zamach na biełaruski suvierenitet i ad kaho jaho chočuć abaranić? Kali heta pahroza z Zachadu, pa anałohii ź viadomymi «kalarovymi» revalucyjami i dziaržaŭnymi pieravarotami, to Rasijskaja Fiederacyja jak sajuźnik, kali pastupić takaja prośba, budzie razam ź Biełaruśsiu adstojvać hety suvierenitet usimi dastupnymi srodkami», — skazaŭ Babič.
Jon dadaŭ, što «kali heta namioki na Rasiju, to heta zusim nie pa-partniorsku». «I navat kali heta ŭsiaho tolki vybarčaja technałohija pad nazvaj «mabilizacyja elektaratu šlacham farmiravańnia vobrazu voraha», naŭrad ci razumna takuju technałohiju realizoŭvać za košt stasunkaŭ z najbližejšymi sajuźnikam i brackim narodam. Rasija takoha staŭleńnia nie zasłužyła», — padkreśliŭ dypłamat.
Taksama jon adznačyŭ, što Maskva nie prapanoŭvała Biełarusi ŭstupić u skład Rasii.
«Hetaha nie prosta nichto nikomu nie prapanoŭvaŭ, a naadvarot, prezident RF nieadnarazova — i publična, i ŭ asabistych razmovach z prezidentam Biełarusi, davioŭ svaju pazicyju: Rasija vystupaje vyklučna za dvuchbakovaje ŭzajemavyhadnaje raźvićcio Sajuznaj dziaržavy, kali hetaha chočuć našy biełaruskija siabry», - skazaŭ Babič.
Jon dadaŭ, što kali ŭ Biełarusi raźvićcia Sajuznaj dziaržavy nie chočuć, to možna «raźvivać luby inšy intehracyjny farmat adnosinaŭ».
Taksama pasoł zaklikaŭ biełaruski bok vyznačycca z pryjarytetnym farmatam raźvićcia intehracyi i zajaviŭ, što treba vykonvać hetyja damoŭlenaści, a nie abmieńvacca paprokami ŭ ekanamičnaj śfiery.
