U Vilni pierapachavajuć hierojaŭ paŭstańnia Kalinoŭskaha, pareštki jakich znajšli na hary Hiedymina. Ci budzie biełaruskaja mova na pomniku?
Idzie padrychtoŭka da pierapachavańnia kiraŭnikoŭ paŭstańnia 1863—1864 hadoŭ, čyje pareštki znajšli na hary Hiedymina ŭ Vilni. Siarod ich — Kastuś Kalinoŭski, nacyjanalny hieroj Biełarusi.
Jak raskazała Biełsatu Elžbieta Rahoŭska ź Ministerstva kultury i nacyjanalnaj spadčyny Polščy, adkrytym zastajecca pytańnie, na jakich movach budzie nadpis na pomniku. Ciapier abmiarkoŭvajuć varyjant, kab manumient padpisali pa-polsku i pa-litoŭsku.
Raniej vialisia razmovy i pra nadpis na biełaruskaj movie, adnak ciapier Elžbieta Rahoŭska pra heta nie ŭzhadała.
Litoŭski bok zaprapanavaŭ zachavać pareštki ŭ centralnaj kaplicy na vilenskich mohiłkach Rosy. Ramantavać kaplicu pačnuć nieŭzabavie. Pierapachavańnie zapłanavali na vosień.
U Litvie vykazali spadzieŭ, što ŭdzieł u cyrymonii voźmuć i najvyšejšyja dziaržaŭnyja asoby Biełarusi, Ukrainy, Łatvii.
