ZŠA prasili Mierkiel nakiravać u Kierčanski praliŭ niamieckija karabli. Jana paraiłasia z Makronam i nie navažyłasia
Kancler Niamieččyny Anhieła Mierkiel nie pryniała ŭ minułym miesiacy prapanovu Złučanych Štataŭ adpravić niamieckija karabli ŭ Kierčanski praliŭ. Ad idei admoviłasia taksama Francyja, jakaja rascaniła heta jak «niepatrebnuju pravakacyju», paviedamlaje Bloomberg sa spasyłkaj na krynicy.
Ahienctva adznačaje, što prośba pastupiła ad vice-prezidenta ZŠA Majka Piensa na sustrečy ŭ ramkach Miunchienskaj kanfierencyi pa biaśpiecy 16 lutaha. Jon zaklikaŭ Mierkiel adpravić niamieckija karabli praz Kierčanski praliŭ, kab pakazać Pucinu, što zachodnija dziaržavy nie admoviacca ad svajho dostupu da hetych vod, raspaviali krynicy.
Surazmoŭcy viedajuć, što Mierkiel vykazała hatoŭnaść pa ŭzhadnieńni z Francyjaj adpravić karabli praz praliŭ u jakaści adnarazovaha manieŭru. Adnak prezident Ukrainy Piatro Parašenka zajaviŭ, što hetaha niedastatkova dla vyrašeńnia prablemy — «kab ruch pa kanale byŭ adkryty ŭvieś čas», paviedamili krynicy. Francyja taksama admoviłasia ad udziełu ŭ adpraŭcy svaich karabloŭ, paličyŭšy hetuju ideju «niepatrebnaj pravakacyjaj», dadali surazmoŭcy ahienctva.
U vyniku niamieckaja lidarka admoviłasia ad prapanovy Štataŭ, dadali jany.
