Minski prahramist staŭ ziaciem vice-mera Maskvy — i jaho spravy vielmi rezka pajšli ŭharu
Padrabiaznaści raspaviadaje rasiejskaje vydańnie Baza.
Vice-mer Maskvy Alaksandr Harbienka ŭ kancy lutaha 2016 hoda vydavaŭ zamuž dačku Nastaśsiu. Na viasielle ščaślivy baćka padaryŭ maładym šykoŭny salut za biudžetnyja hrošy.
Dačka čynoŭnika z mužam-biełarusam.
Samo viasielle prajšło ŭ prestyžnym holf-kłubie, jaki mieścicca ŭ pryrodnym zakaźniku. Na im vystupiŭ Hryhoryj Leps (jaki biare za karparatyvy kala 100 tysiač dalaraŭ).
Ale hałoŭny momant u inšym. Na terytoryi zakaźnika kateharyčna zabaronienyja saluty. Ale na viasielli prahrymieŭ šykoŭny fiejervierk. Pryčym apłočany biudžetnymi hrašyma. Pa dakumientach heta byŭ salut u honar 23 lutaha (prytym što viasielle było 27 lutaha).
Taksama cikavaja asoba žanicha. Heta Dźmitryj Čujašoŭ, biełarus, jaki kaliści byŭ prahramistam u Minsku, paralelna zachaplaŭsia muzykaj. Paśla pierabraŭsia ŭ Maskvu, dzie praciahvaŭ pracavać u IT.
Ale ŭ stalicy Rasii Čujašoŭ paznajomiŭsia z dačkoj čynoŭnika. I karjera prahramista rezka pajšła ŭharu.
Spačatku Dźmitryj staŭ saŭładalnikam rekłamnaha ahienctva «Dabłpro» (jaho cieść-čynoŭnik kuryruje departamient ŚMI i rekłamy), a praz paŭhoda paśla šlubu z dačkoj vice-mera — i dźviuch budaŭničych firmaŭ — «Mastanelbud» i «Maśbieton», jakija prynosiać razam da $6 miljonaŭ na hod. Bolšuju častku hetych hrošaj prynosiać dziaržaŭnyja zamovy.
