Dvuchhadovaje dzicia z Mahilova pakinuła na kanapie ŭklučany ŭ razietku kipiacilnik

Incydent adbyŭsia 6 sakavika kala 20:00 u domie pa vulicy Haharyna, paviedamlajuć mogilewnews.by.

Pakul darosłyja zajmalisia chatnimi spravami, 2,5-hadovy mały ŭklučyŭ u razietku kipiacilnik i pakinuŭ jaho na kanapie. Darosłyja chutka adčuli pach dymu i samastojna likvidavali ŭzharańnie. Dzicia nie paciarpieła.

«Kali ŭ domie jość dzicia, schavajcie ad jaho ŭsie rečy, jakija mohuć nanieści škodu: tabletki, zapałki, elektraprybory, nažy. I, choć heta i vielmi składana, ni na chvilinu nie pakidajcie dziaciej biez nahladu», — raić staršy inśpiektar Centra biaśpieki žyćciadziejnaści i ŭzajemadziejańnia z hramadskaściu Volha Niecharošych.

0

0

0

0

0

0