Двухгадовае дзіця з Магілёва пакінула на канапе ўключаны ў разетку кіпяцільнік

Інцыдэнт адбыўся 6 сакавіка каля 20:00 у доме па вуліцы Гагарына, паведамляюць mogilewnews.by.

Пакуль дарослыя займаліся хатнімі справамі, 2,5-гадовы малы ўключыў у разетку кіпяцільнік і пакінуў яго на канапе. Дарослыя хутка адчулі пах дыму і самастойна ліквідавалі ўзгаранне. Дзіця не пацярпела.

«Калі ў доме ёсць дзіця, схавайце ад яго ўсе рэчы, якія могуць нанесці шкоду: таблеткі, запалкі, электрапрыборы, нажы. І, хоць гэта і вельмі складана, ні на хвіліну не пакідайце дзяцей без нагляду», — раіць старшы інспектар Цэнтра бяспекі жыццядзейнасці і ўзаемадзеяння з грамадскасцю Вольга Нехарошых.

0

0

0

0

0

0