Siensacyja ŭ Lizie čempijonaŭ: madrydski «Reał» prajhraŭ doma «Ajaksu» 1:4 i vylecieŭ z turniru
U futbolnaj Lizie čempijonaŭ dakładna budzie novy pieramožca. Madrydski «Reał», jaki vyjhraŭ try papiarednija turniry zapar, siensacyjna prajhraŭ 1:4 hałandskamu «Ajaksu» ŭ 1/8 finału.
U pieršym matčy ŭ Amsterdamie «Reał» vyjhraŭ 2:1, i ad hulni ŭ adkaz mała chto čakaŭ niešta niezvyčajnaje. Adnak pačatak byŭ šakujučym — za pieršyja 20 chvilin «Ajaks» zabiŭ dva hały. U siaredzinie druhoha tajma 30-hadovy sierb Dušan Tadzič — najlepšy futbalist matča — davioŭ lik da bujnoha.
A jak tolki «Reał» skaraciŭ roźnicu ŭ liku, «Ajaks» adrazu ž zabiŭ ćvik u trunu pryhožym udaram sa štrafnoha.
U paralelnym matčy siensacyi nie adbyłosia. Dortmundskaja «Barusija», jakaja ŭ haściach sastupiła łondanskamu «Tatenchemu» ź likam 0:3, prajhrała i doma. Lik — 1:0 na karyść anhličan.
