Łukašenka: ES tarhujecca z nami pa drobiaziach
Biełaruś paśpiachova naładžvaje dyjałoh sa svaim druhim najbujniejšym partnioram — Jeŭrasajuzam, adnak lod u adnosinach jašče nie rastaŭ.
Ab hetym kiraŭnik dziaržavy Alaksandr Łukašenka zajaviŭ siońnia na naradzie pa pytańniach udziełu ŭ intehracyjnych strukturach i supracoŭnictva ź jeŭrapiejskimi arhanizacyjami
«Lod u adnosinach ź Jeŭrapiejskim sajuzam nie rastaŭ. Brusel padoŭžyŭ dziejańnie chaj simvaličnych, ale ŭsio ž abmiežavalnych mier. Łyžka dziohciu ŭ bočcy miodu. Jany ž nie majuć nijakaha značeńnia praktyčna, akramia simvaličnaha. «Tarhujecca» z nami navat pa drobiaziach ES, uchilajecca ad razmovy ab novym bazavym pahadnieńni, da hetaha času niama dakładnych jurydyčnych ramak ŭzajemadziejańnia», — skazaŭ jon.
Jon adznačyŭ, što ES u hety ž čas maje takija pahadnieńni z Rasijaj i inšymi postsavieckimi krainami. «Darečy, Rasija vielmi prasunutaja ŭ adnosinach ź Jeŭrasajuzam, Amierykaj i NATA. I my ž za heta Rasieju nie paprakajem. My šukajem u hetych pahadnieńniach svaju karyść. My nie tarpiedujem, nie pieraškadžajem, spryjajem. Dumaju, sapraŭdy hetak i Rasija pavinna pastupać, padtrymlivajučy nas. Ci nie na słovach, a na spravie», - zajaviŭ Alaksandr Łukašenka.
