Łukašenka: Praces jeŭrazijskaj intehracyi pavaročvajecca nazad
Pra heta kiraŭnik dziaržavy zajaviŭ siońnia na naradzie pa pytańniach udziełu ŭ intehracyjnych strukturach i supracoŭnictva ź jeŭrapiejskimi arhanizacyjami, piša BiełTA.
«Mnohija ekanamičnyja pytańni z paradku dnia Sajuznaj dziaržavy pieraniesieny na placoŭku JEAES. Na žal, praces jeŭrazijskaj intehracyi pavaročvajecca nazad, kali ŭžo nie paviarnuŭsia. Mnie dakładvajuć ab barjerach, pieraškodach i abmiežavańniach dla našych subjektaŭ haspadarańnia. A adsutnaść kankretnaj raboty pa ich likvidacyi prykryvajecca niejkim ličbavym paradkam dnia», — skazaŭ kiraŭnik dziaržavy.
Jon padkreśliŭ, što pierad JEAES stavilisia i inšyja važnyja mety — stvareńnie ahulnaha rynku i roŭnych umoŭ. «Moža być, nieabchodna viarnucca da pakietnaha pryncypu ŭ vyrašeńni vostrych pytańniaŭ, a taksama pry likvidacyi barjeraŭ i abmiežavańniaŭ? Adkaz na hetaje pytańnie važnaje dla budučyni jeŭrazijskaj intehracyi», - ličyć biełaruski kiraŭnik.
