Łukašenka na naradzie pa intehracyi raspavioŭ pra asnoŭny pryncyp sajuznaha prajekta z Rasijaj
Biełaruś zachoŭvaje absalutnuju prychilnaść idei sajuznaha budaŭnictva z Rasijaj, adnak asnoŭnym pryncypam adpaviednaha prajekta źjaŭlajecca stvareńnie roŭnych umoŭ.
Ab hetym kiraŭnik dziaržavy Alaksandr Łukašenka zajaviŭ siońnia na naradzie pa pytańniach udziełu ŭ intehracyjnych strukturach i supracoŭnictva ź jeŭrapiejskimi arhanizacyjami, piša BiełTA.
«Biełaruś zachoŭvaje absalutnuju prychilnaść idei sajuznaha budaŭnictva. Chaču, kab heta pierš za ŭsio pačuli našy prychilniki i apanienty ŭ Rasijskaj Fiederacyi. Pry hetym asnoŭny pryncyp hetaha prajekta — roŭnyja ŭmovy dla našych suhramadzian i subjektaŭ haspadarańnia. Na inšych pryncypach sajuz niemahčymy. I pryncyp roŭnych umoŭ pavinien niaŭchilna vykonvacca. Pastułat suvierenitetu taksama zastajecca dla Biełarusi nieparušnym», — skazaŭ kiraŭnik dziaržavy.
Alaksandr Łukašenka adznačyŭ, što histaryčna samaje šyrokaje pole dla ŭzajemadziejańnia skłałasia z Rasijaj. Ale z pryčyny hetaha prysutničaje i značny nabor pytańniaŭ, jakija nieabchodna abmiarkoŭvać i vyrašać. «Samyja aktualnyja prablemy znachodziacca siońnia ŭ ekanamičnaj śfiery. U inšych druhich prablem praktyčna nie isnuje», — padkreśliŭ biełaruski kiraŭnik.
