U rasijskim Uładzivastoku vyrašyli ŭstalavać samuju vysokuju statuju Isusa Chrysta ŭ śviecie
Na Kryžovaj sopcy na mysie Ehieršeld va Uładzivastoku, dzie ŭ saviecki čas chacieli pastavić pomnik Leninu, vyrašyli ŭstalavać 68-mietrovuju statuju Isusa Chrysta, piša rasijski błohier Illa Varłamaŭ.
Pra płany pabudavać na Kryžovaj sopcy statuju Chrysta paviedamlałasia jašče ŭ 2015 hodzie. Tady płanavałasia, što chram budzie prama ŭsiaredzinie manumienta, a nie pobač.
Stvaralniki prajekta daśledavali miascovaść, razhledzieli pierśpiektyŭny płan raźmiaščeńnia statui i dobraŭparadkavańnia terytoryi vakoł jaje, vyvučyli płaniroŭku naziralnaj placoŭki, schiemu ŭnutranaj budovy pastamienta i kanstrukcyju samaj statui.
Pobač sa statujaj Chrysta płanujecca ŭźvieści chram u honar prapadobnaha Sierhija Radaniežskaha, raźličany na 100 viernikaŭ.
Pierš čym ustalavać pomnik va Uładzivastoku, prajekt pavinna razhledzieć i zaćvierdzić śpiecyjalnaja kamisija. Adnak u pres-słužbie haradskoj administracyi paviedamili, što prajekt u meryi nie abmiarkoŭvaŭsia. U administracyi kraju taksama kažuć, što ad ich aficyjnych zajaŭ na hety kont nie było.
U Uładzivastockaj Jeparchii taksama ničoha pra heta viedajuć: «Jeparchija z takoj inicyjatyvaj nie vystupała», — paviedamili karespandentu «FiedierałPriess».
Zaraz samaja vysokaja statuja Isusa Chrysta staić u Polščy ŭ horadzie Śviabodzin. Jaje vyšynia — 36 mietraŭ (52 mietry z pastamientam).