Łukašenka: U mianie va ŭładzie naohuł niama siabroŭ. Tyja, chto byli, adsiedzieli ŭ turmie
president.gov.by
Padčas «Vialikaj razmovy z prezidentam» ekśpiert Jarasłaŭ Ramančuk raskrytykavaŭ ekanamičnuju niesvabodu ŭ Biełarusi, zajaviŭšy, što siłaviki časta «kašmarać» biznes i nie dajuć jamu raźvivacca. Alaksandr Łukašenka ź im nie pahadziŭsia, adznačaje Tut.by.
«Daj Boh luboj dziaržavie takich siłavikoŭ. Ź niedachopami, ale daj Boh kožnamu, — zajaviŭ jon. — Jany nie ŭ kłanach. Jany nie ŭ hrupoŭkach. Heta ludzi prezidenta, adkaznyja pierad im. Choć da pryznačeńnia na pasadu ja nikoha nie viedaŭ. U mianie siabroŭ tut niama. Uvohule, u mianie va ŭładzie niama siabrukoŭ. Tyja, jakija byli, dva-try čałavieki, adsiedzieli ŭ turmie i siońnia zajmajucca svaimi spravami, siemji hladziać, bo zanadta svabodna siabie pavodzili. I ličyli, što im u krainie mahčyma rabić usio. Nie treba namiokaŭ, što niechta kašmaryć (biznes), a ja ledź nie hrupaŭščynu raźvioŭ. Hetaha nie budzie. Ja prezidentam nie budu chutčej, čym u mianie budzie hetaja hrupaŭščyna. Bo heta hibiel dla dziaržavy — pahladzicie vakoł.
Alaksandr Łukašenka nastojvaje, što siłaviki nie prymajuć rašeńni pa ekanamičnych pytańniach. U jakaści prykładu jon pryvioŭ raspracoŭku IT-dekreta, nad jakim, pavodle jaho słoŭ, pracavali vyklučna ekanamisty i pradstaŭniki IT-siektara:
— Usie prapanovy zychodzili ad ajcišnikaŭ. Adnaho navat z turmy dastali, nie budu nazyvać proźvišča, vy jaho viedajecie. Da mianie pryjšli, kažuć: voś, chłopiec, taki-siaki. Ja kažu: «Za što trapiŭ?» — «Padatki» — «Padatki, — kažu, — heta navat razmovy być nie moža». Ale zapłaciŭ, navat lišniaje pierapłaciŭ. I toj, chto za jaho prasiŭ, ščyra kažučy, u biudžet zapłaciŭ nie adzin miljon dalaraŭ.
Čytajcie taksama:
Pres-kanfierencyja Alaksandra Łukašenki: Kali siońnia pravieści refierendum ab abjadnańni Biełarusi i Rasii, 98% prahałasujuć suprać
Łukašenka: «Što kiepskaha, kali kala Kurapat restaran? Zajšli, čarku vypili»
Łukašenka: Prezidentam Ukrainy zastaniecca Parašenka
Kačanava — simpatyčnaja, chudzieńkaja. U adroźnieńnie ad mnohich našych čynoŭnic
