Biełaruskaja prahrama Flo dzialiłasia asabistymi danymi karystalnikaŭ z Facebook
Sama mieniej 11 papularnych prahram c dziasiatkami miljonaŭ zahruzak dzielacca asabistymi danymi karystalnikaŭ z Facebook, havorycca ŭ rasśledavańni The Wall Street Journal. U tym liku «žanočaja» prahrama Flo, raspracoŭka biełarusaŭ.
Facebook moža vykarystoŭvać u rekłamnych metach asabistyja danyja, jakija prahramy adpraŭlajuć u analityčnuju płatformu Facebook Analytics, ličyć The WSJ.
The WSJ pratestavaŭ prahramy i pryjšoŭ da vysnovy, što Facebook atrymlivaje asabistuju infarmacyju ź ich praź niekalki siekund paśla taho, jak karystalnik jaje ŭvodzić. Navat kali ŭ karystalnika niama profilu Facebook.
U vypadku z Flo, prahrama z 25 miljonami karystalnikaŭ «paviedamlała Facebook, kali karystalnica adznačała miesiačnyja abo paviedamlała pra namier zaciažaryć», piša The WSJ. Hetyja danyja «adpraŭlalisia z unikalnym identyfikataram, jaki možna supastavić z pryładaj ci profilem».
U adkaz na publikacyju Flo Health Inc. pačała aŭdyt z nahody pryvatnaści danych. Jak paviedamiŭ dev.by CTO Flo Raman Buhajeŭ, kampanija nikoli nie pradavała nijakija danyja Facebook'u i nie vykarystoŭvała ich dla pakazu rekłamy; instrumient Facebook Analytics vykarystoŭvaŭsia dla ŭnutranych metaŭ. Ciapier Flo prypyniła vykarystańnie luboj źniešniaj analityki i vypuściła abnaŭleńni dla iOS i Android.
