«Ja kažu Kolu: «Vyraścieš — budzieš prezidentam!» A jon: «Barani ciabie Boža»
president.gov.by
U čas razmovy z kursantami Vajskovaj akademii Alaksandr Łukašenka raskazaŭ, što jaho syny nie chočuć być prezidentami, paviedamlaje Tut.by sa spasyłkaj na «Biełaruś 1».
«Usie maje syny prezidentami być nie chočuć. Navat hety (pakazaŭ rukoj, što kaža pra małodšaha Mikałaja). Ja kažu: «Vyraścieš, budzieš prezidentam!» — «Barani ciabie Boža!» — … Tamu … svaim dzieciam ja nie pažadaŭ by», — adkazaŭ Alaksandr Łukašenka na prośbu adnaho z kursantaŭ padzialicca sakretami taho, jak usie paśpiavać, kali ty prezident. Kiraŭnik dziaržavy taksama zaŭvažyŭ, što i kursantu nie žadaje «pražyć žyćcio prezidenta».
Łukašenka adznačyŭ, što adna sprava, kali ty «try-piać hadoŭ prezident», inšaje — «kali 10-15», «ale voś bolš 20-ci hadoŭ prezidentam, ja ŭžo hetaha najeŭsia».
Alaksandr Łukašenka ŭžo nie pieršy raz źviartajecca da pytańnia ab tym, chto pryjdzie jamu na źmienu na najvyšejšaj dziaržaŭnaj pasadzie. Jon kazaŭ, što na sustrečy z prezidentam Rasii ŭ Sočy, abmiarkoŭvali nie tolki biahučyja momanty, ale i adnosiny pamiž krainami paśla źmieny kiraŭnikoŭ dziaržaŭ.
«My ščyra adzin adnamu havorym, što my ž nie viečnyja, my kaliści syjdziem. A što pakiniem našym dzieciam? Jak jany praciahnuć našu palityku? Heta taksama nas jak palitykaŭ nie moža nie chvalavać», — skazaŭ biełaruski kiraŭnik.
