Brakańjer vyłaviŭ dźvie sotni ryb i moža zapłacić za heta 7 tysiač rubloŭ

U Kiraŭskim rajonie na race Druć u niepasrednaj blizkaści ad Čyhirynskaha vadaschovišča dziaržinśpiektary zatrymali žychara rajcentra z bujnym, ale niezakonnym ułovam, piša Źviazda.

Niahledziačy na ​​toje, što samo vadaschovišča jašče pakryta lodam, rybak-nielehał vybraŭ miesca na race kala HES, dzie była adkrytaja vada, i ŭstanaviŭ tam try sietki daŭžynioj bolš za 300 mietraŭ. U ich patrapiła 173 asobiny ryby — hustiery, lašča, akunia i inšaj. Usiaho na 23 kiłahramy.

Za zdabyču ryby sietkami ŭ dačynieńni da zatrymanaha zaviedziena kryminalnaja sprava. U parušalnika kanfiskavany łodka i aŭtamabil. Jamu treba budzie vypłacić kala 7 tysiač rubloŭ u jakaści kampiensacyi naniesienaj pryrodzie škody.

0

0

0

0

0

0