Łukašenka raspavioŭ, čaho čakaje ad IT-roty
Alaksandr Łukašenka čakaje ad roty infarmacyjnych technałohij Vajskovaj akademii praktyčnych vynikaŭ, u tym liku prasoŭvańnia raspracovak na ekspart. Pra heta jon zajaviŭ, naviedvajučy siońnia heta padraździaleńnie, piša BiełTA.
«Nam patrebny vynik. Heta moža albo zahinuć za niepatrebnaściu i adsutnaściu vyniku ci ž pieratvarycca ŭ vielmi dobraje ziernie, jakoje praraście i daść dobry vynik. Tamu nielha zahubić toje, što tut zadumana. Viadoma, heta pierš za ŭsio dla armii. Ale treba stvarać taki pradukt, jaki možna budzie i pradać. Vy pavinny pradavać nie tolki na ŭnutranym rynku, ale i na źniešnim — ekspartam zajmacca», — padkreśliŭ biełaruski kiraŭnik.
Jon daručyŭ, kab jašče bolš zacikavić u raźvićci dadzienaha kirunku dziejnaści, atrymanyja ad ekspartu IT pasłuh srodki paśla vypłaty nieabchodnych padatkaŭ pakidać u rasparadžeńni akademii i samoha padraździaleńnia.
«Treba rabić usio, kab hetaja ideja nie zahinuła ŭ zarodku. I z PVT pracujcie bolš ciesnyja. Buduć dapamahać i pavinny dapamahać», — dadaŭ Łukašenka.