Praŭładny ekśpiert Špakoŭski: bolš za 20% biełarusaŭ hatovyja sa zbrojaj vajavać z Rasijaj
Telekanał RTVI uziaŭ intervju ŭ praŭładnaha palitołaha Alaksandra Špakoŭskaha. Niekali jon byŭ u apazicyjnym «Pravym aljansie» i achoŭvaŭ Alaksandra Milinkieviča, a ŭ vyniku zbliziŭsia z «jeŭrazijcami». Ciapier jaho źviazvajuć sa strukturami Ministerstva ŭnutranych spraŭ.
Alaksandr Špakoŭski. Fota ctv.by.
U Špakoŭskaha spytali, ci jość pahroza ŭ akupacyi Biełarusi Rasijaj. Voś što na heta adkazaŭ jon:
«Ja naŭrad ci dumaju, što ŭ Rasii niechta ŭsurjoz, aproč marhinalnych vialikadziaržaŭnych čarnasociencaŭ, nie pradstaŭlenych na dziaržaŭnym uzroŭni, płanujuć akupacyju Biełarusi. Biezumoŭna, rasijskaj palityčnaj elicie chaciełasia b atrymać bolšy palityčny i ekanamičny kantrol. Hetyja patrabavańni daŭno vykazvalisia. My nie pajšli na heta i pa siońnia nie idziem.
Što tyčycca pahłynańnia, to ja nie dumaju, što heta realistyčna. Rasii, biezumoŭna, patrebny hołas u AAN. Rasii patrebien sajuźnik u Jeŭropie. Ja nie baču pryčyn iści na abvastreńnie.
Kali raptam u Rasii va ŭładzie apynucca šalonyja ludzi, u čym ja sumniajusia, to jany sutyknucca ź vielmi surjoznym supracivam u Biełarusi. I heta buduć nie tolki biełaruskija nacyjanalisty. Heta buduć usie tyja, kamu biełaruskaja dziaržaŭnaść darahaja.
Usie sacyjałahičnyja apytańni, ad aficyjnych da paŭlehalnych, pakazvajuć, što pieravažnaja bolšaść (kala 60%) vystupajuć za sajuz z Rasijaj, ale z zachavańniem ułasnaj dziaržaŭnaści. Pazicyju ŭvachodžańnia padtrymlivaje 2-3% nasielnictva.
Pry hetym abaraniać krainu ad źniešniaha ŭvarvańnia hatovyja da 30% nasielnictva, a bolš za 20% hatovyja sa zbrojaj u rukach abaraniać krainu ŭ vypadku niedružalubnych pavodzin našych uschodnich susiedziaŭ. Ale hetuju mahčymaść rašuča adkidvaju, takoha nie moža być».