Praciŭniki budaŭnictva akumulatarnaha zavoda prajšli kałonaj pa centry Bresta, niahledziačy na zatrymańni
Prahułkaj pa horadzie zaviaršyłasia čarhovaja sustreča praciŭnikaŭ budaŭnictva akumulatarnaha zavoda ŭ Breście. Na hety raz da aktyvistaŭ dałučylisia apazicyjnyja palityki. Ab hetym paviedamiŭ TUT.BY pravaabaronca Raman Kiślak.
Praciŭniki budaŭnictva akumulatarnaha zavoda iduć pa vulicy Savieckaj u Breście 10 lutaha 2019 hoda. Fota Stanisłava Koršunava, TUT.BY
Praciŭniki budaŭnictva zavoda sustrelisia kala 12.00. Pavodle acenak Ramana Kiślaka, na płoščy Lenina znachodziłasia kala 200 čałaviek. Da ich dałučylisia lidar ruchu «Za Svabodu» Juraś Hubarevič, sustaršynia arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski i vykonvajučy abaviazki staršyni Abjadnanaj hramadzianskaj partyi Mikałaj Kazłoŭ.
Na sustrečy adsutničaŭ adzin ź lidaraŭ pratestu Alaksandr Kabanaŭ, jakoha 17 lutaha ranicaj zatrymali ŭ Biarozie na čyhunačnym vakzale. Akramia taho, byli zatrymanyja pravaabaronca Uładzimir Vialičkin i hramadzianski aktyvist Vital Kazak.
Kala 12.45 častka ŭdzielnikaŭ sustrečy ŭ kampanii palitykaŭ prajšlisia pa centralnych vulicach horada ŭ bok kinateatra «Biełaruś» pa maršrucie: vulica Puškinskaja — vulica Savieckaja. Paśla hetaha prysutnyja razyšlisia.
Akumulatarny zavod buduje na pramysłovaj placoŭcy «Aeraport» u svabodnaj ekanamičnaj zonie «Brest» TAA «AjPaŭer». Žychary Bresta i niekalkich viosak Bresckaha rajona ličać, što pradpryjemstva pahražaje ich zdaroŭju. Z 25 lutaha 2018 hoda štoniadzielu na płošču Lenina ŭ Breście prychodziać praciŭniki budaŭnictva akumulatarnaha zavoda, jakija abmieńvajucca apošnimi navinami pra budaŭnictva pradpryjemstva.
