16 lutaha Viktar Šałkievič prezientuje ŭ Minsku novy albom
Znakamity haradzienski bard Viktar Šałkievič śviatkuje 60-hodździe. Z hetaj nahody śviet pabačyŭ padvojny albom «Viktar Šalkievič», jaki padsumoŭvaje čarhovy etap tvorčaści maestra. Pieršyja prezientacyi albomu majuć adbycca 16 lutaha na kancercie ŭ Miensku, a taksama 27 lutaha ŭ Hrodnie.
Albom składzieny z dvuch kružełak: «Takaja doŭhaja zima» i «Bałady. Najlepšaje».
Na dysku «Takaja doŭhaja zima» 9 tvoraŭ, jakija supravadžaje ščyry aŭtarski manałoh.
— U hetym albomie jość usio, čaho prahnie maja duša, — kaža aŭtar. — Ja pisaŭ jaho nie dziela taho, kab kamuści spadabacca, ja nie haniusia za modaj, jakaja ŭsio adno źmienicca. Ja vielmi chacieŭ, kab hety albom atrymaŭsia praŭdzivym i «maim».
U druhi dysk albomu, «Bałady. Najlepšaje», uvajšli 14 chitoŭ Viktara Šałkieviča ad «Šalonaj» da «Pravincyi» i «Smutnaha biełaruskaha bluzu».
Albom «Viktar Šalkievič» — heta sapraŭdnaja pierlina dla amataraŭ tvorčaści Viktara Šałkieviča. Albom vydadzieny pry padtrymcy haradzienskaha Centra haradskoha žyćcia. Fundatarami vydańnia stali haradzienskija siabry barda.
