Maršałak Sienata Polščy znoŭ zajaviŭ pra «miljon palakaŭ u Biełarusi»
«My chočam mieć dobryja kantakty ź Biełaruśsiu. My dbajem taksama pra vializnuju masu palakaŭ, što žyvuć u Biełarusi. Bolš za miljon palakaŭ žyvie ŭ Biełarusi», — cytuje maršałka Sienata Polščy Stanisłava Karčeŭskaha Dziennik.pl.
Karčeŭski i raniej zajaŭlaŭ pra «miljon» palakaŭ u Biełarusi — paśla svajho vizitu ŭ Minsku u 2018 hodzie.
Pavodle źviestak apošnich pierapisaŭ nasielnictva Biełarusi, palakami zapisałasia miž 2 i 3% ludziej. Pryčym bolšaść palakaŭ nazvali svajoj rodnaj movaj i movaj chatniaj kamunikacyi biełaruskuju. «Miljon» palakaŭ u Biełarusi moža być, kali palakami ličyć usich katalikoŭ, jakich niedzie kala miljona i jość. Adnak bolšaść katalikoŭ ličać siabie biełarusami.
Karčeŭski ŭ razmovie z žurnalistami nazvaŭ «skandalnym» demarš deputataŭ Sienata ad apazicyjnaj Hramadzianskaj płatformy. Jany, nahadajem, pakinuli zału ŭ znak pratestu suprać pryjezdu pradstaŭnika «režymu Łukašenki».